فڕۆکەخانەی هەولێر نیەیلێد فڕۆکەیگ ئیرانی بنیشێدەو
![فڕۆکەخانەی هەولێر نیەیلێد فڕۆکەیگ ئیرانی بنیشێدەو](https://media.shafaq.com/media/arcella/1656936219876.jpeg)
شەفەق نیوز/ ئیدارەی فڕۆکەخانەی ناودەوڵەتی هەولێر، ئمڕوو دووشەممە، نەهیشت فڕۆکەیگ ئیرانی لەبان زەویی بنیشێدەو.
ئەحمەد هۆشیار وەڕیەوبەر فڕۆکەخانەگە ئەرا ئاژانس شەفەق نیوز وت: ئیدارەی فڕۆکەخانەگە نەیشت فڕۆکەگە بنیشێدەو، ک فڕۆکەی کۆمپانیاییگ ئیرانیە، چوینکە هویچ مووڵەتیگ فەرمی لە وەزارەت گواستنەوە و پەیوەندیەیل حکومەت هەرێم کوردستان نەیرێد.
هەمیش وت: وەرجە چارەک ساعەتیگ لە تەقەلای نیشتنەوەی فڕۆکەگە لە فڕۆکەخانەی ناودەوڵەتی هەولێر ئاگادار کریایمن، باوجی نوای گردیمن و وەرەو فڕۆکەخانەی ناودەوڵەتی بەغداد کلی کردیمن.
هۆشیار وت: هویچ زانیارییگ لە ناسنامەی سەرنشینەیل فڕۆکەگە نەیرێد، و هووکار نەهیشتنی تەنیا لەوەر ئەوە بوی ک کۆمپانیای فڕۆکەوانیەگە مووڵەت لە حکومەت هەرێم کوردستان نەیرێد.