کەفتن 4 درۆن لە هەلێر زەرەدەیل ماددی رەسنێد و هیزگردن ئاگریگ لە کۊیەیگ وە مدوو یەکیگیانەو
2026-08-12T07:30:37+00:00
شەفەق نیوز - هەولێر
چوار درۆن
نادیار، شەوەکی زۊ ئمڕوو چوارشەممە، کەفتنە خوارەو لە ناوچەیل جیاجیای سەر وە ئیدارەی سەروەخوەی "سۆران" لە باکوور پارێزگای هەولێر پایتەخت هەرێم کوردستان، وە بی توومارکردن زیانەیل گیانی وەپای راپۆرتە سەرەتاییەیل.
وەپای زانیاریەیل جیماگەی یەکیگ لە درۆنەیل کەفتەسە بان ماڵیگ مەدەنی لە سەنتەر قەزای سۆران، کە بۊەسە مدوو زەرەدەیل ماددی لە بیناگە.
زانیاریەیل نشان دەن کە دوو درۆن ترەک لە نزیک یەکیگ لە ئاواییەیل سەر وە قەزای خەلیفان خریاسە خوارەو، لە وەختیگ فرۆکەی چوارەم کەفتەسە بان کۊیەی "بنی هەریر" لە ناحیەی هەریر، کە بۊەسە مدوو هیزگردن ئاگریگ لە گژوگیای کۊیەگە.
