شەپوول واران وارین لە هەرێم کوردستان کۆتایی وەپی تێد
2024-02-07T08:48:54+00:00
شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو چوارشەممە، کەشوهەوای دوو رووژ دیاریکد و مەزەنە کرد کۆتایی وە شەپوول واران وارین تێد لە هەرێم کوردستان.
دەسەگە لە بەیاننامەیگ رەسیە ئاژانس شەفەق نیوز وت؛ "ئمڕوو ئاسمان ئەورە تاقمەجنریگ بوودە ئەور تەواو ، هاتێ نمەواران بوارێد لەبان بڕیگ لە لويتکە کویەیل بەرز، لەسەنتەر پارێزگایەل فرە وەختەیلە ئاسمان نیمەئەورە و ئەور تەواوە.
ئاشکەرایکرد، سوو پەنجشەممە ئاسمان وە گشتی نیمەئەورە، وەگەرد بەرزەوبوین پلەی گەرمی وە نزیکەی (4-6) پلە ى سیلیزى و دورس بوین تەم لەبان ناوچە کویەیلە لە وەخت شەوەکی زوی و پلەیل گەرمی بەرزەوبوود وە بەراورد وە ئمڕوو.
بەرزترین پلەی گەرمی مەزەنەکریاگ وە پلەی سیلیزی:
هەولێر : 16
سلێمانی : 15
دهۆک : 17
کەرکوک : 16
هەڵەبجە : 15
زاخۆ : 17
سۆران : 10
حاجی ئۆمەران : 5
گەرمیان : 20.
