شەپوولیگ لە وەفر و واران ماوەی چوار رووژ هەرێم کوردستان گرێدەوە
2023-12-20T11:39:50+00:00
شەفەق نیوز/ پسپۆر کەشناسی ئاراس جەبار، ئمڕوو چوارشەممە، راگەیان شەپوولیگ لە وەفر و واران ناوچە جیاوازەیل هەرێم کوردستان گرێدەو لە بڕوار 22 کانوون دویەم و ئەرا ماوەی چوار رووژ وەردەوامە.
جەبار ئمڕوو لە پۆستیگ راگەیان، لە کۆتایی ئێ هەفتە وە تایوەت شەوەکی رووژ جومعە بڕوار 22 ئێ مانگە کۆتایی وە کاریگەری پاڵەپەستۆی بەرز تێد لە ناوچەگەمان و پاڵەپەستۆی نزمیگ گورجەو بوود کە لە دەریای ناوڕاسەو ئەرا ناوچەگەمان هاتیە، وتیش مەزەنەکرێد واران مامناوەندیگ بوارێد وە رێژەیل جیاواز وەرد وەفر وارین لەبان ناوچە کویەیلەی بەرز لە پارێزگایەیل دهۆک و هەولێر.
وتیش شەوەکی یەکشەممە (24 دیسەمبەر) وا و واران فراوانتر و وە چالاکی زیاتریگ ناوچە جیاوازەیل گرێدەو وەرد ناوەن گشت پارێزگایەیل هەرێم و کە واران خاسیگ و مامناوەندیگ وارێد بوودە هووکار زیاتر داوەزیان بارستەی وای باکوور، و پلەی گەرمی زیاتر داوەزێد، و تنائی وا ها ناوەین 15 كم/ساعەت تاقمەجاریگ ئەرا بان 45 كم/ساعەت زیایەوبوود وە تایوەت لەناوچە کویەیلە.
