شەفەق نیوز شمارەی کاندیدەیل حزبە کوردییەیل ئەرا هەڵوژاردن پەرلەمان هەرێم بڵاو کەێد

 وەڕێوەبەر نويسینگەگە، مەروان محەمەد، ئەرا ئاژانس شەفەق نیوز ڕاگەیان، “پارت دیموکرات کوردستان لیست 190 کاندید ئەرا هەڵوژاردن پەرلەمان هەرێم پیشکەش کرد، و یەکێتی نیشتمان کوردستان 172 کاندید دەسنیشان کرد”.

 وتیش: "هاوپەیمانی بەرەی گەل 121 کاندید و هاوپەیمانی ئەلمەوقیف 74 کاندید و یەکگرتووی ئیسلامی کوردستان 71 کاندید و کۆمەڵەی دادپەروەری کوردستان 59 کاندید پیشکەش کرد".

 وتیش: "دویای کۆتایی هاتن وادەی پیشکەشکردن لیست کاندیدەیل ئەرا کۆمسیۆن هەڵوژاردن، ئیسە لە پرۆسەی وەشکین ناو کاندیدەیل هەڵوژاردن پەرلەمان کوردستاندایمن لە هەرێمی کوردستان"، دووپاتیش کرد کە "ریکارەیل کۆمسیۆن ئەرا هەڵوژاردن پەرلەمان وەردەوامن”.

 دویەکە شەممە، کۆمسیۆن باڵای سەروەخوەی هەڵوژاردن شمارەی کاندید و هاوپەیمانییەیل ئەرا هەڵوژاردن پەرلەمان کوردستان ئاشکرا کرد.

 جومانە ئەلغەلای قسەکەر کۆمسیۆن لە دیداریگ وەرد ئاژانس شەفەق نیوز وت:  "پرۆسەی توومارکردن قەوارەیل رەسیە توومارکردن ١٣٩ لیست و ١٣ حزب، لە وەختیگ شمارەی تاکەکەسی کاندیدەیل ئەرا پێکهاتە مەسیحییەیل رەسیە ١٩ کاندید".

 وتیش: کاندیدەیل پێکهاتەی مەسیحی وەی شیوەیە بەشەو کریان: 7 کاندید لە هەولێر، 4 لە سلێمانی، و 8 کاندید لە دهۆک، و شمارەی کاندیدەیل پێکهاتەی تورکمانی رەسیە 20، لەناویان 14 لە هەولێر و 6 لە سلێمانی، و شمارەی تاکە کاندیدەیل رەسیە ٨٥ کاندید.

 دیاری کرد کە تیروپشکی کاندیدەیل لە نیمەی یەکەم مانگ ئاب ئایندە دەسوەپی کەێد.