پشۆی دەوام مەکتەوەیل هەرێم کوردستان تا ٦ رووژ
2021-10-02T07:40:09+00:00
شەفەق نیوز/ ئالان حەمە سەعید وەزیر پەروەردە و خوەنەواری لە هەرێم کوردستان، ئمڕوو شەممە، راگەیان پشۆی دەوام فەرمی لە مەکتەوەیل حکومەتی هەرێم کوردستان تا ماوەی شەش رووژ، ئەوەیش وە داوای کۆمسیۆن باڵای سەروەخوەی هەڵبژاردن لە عراق.
وەزیرەگە ئمڕوو لە کۆنگرەیگ رۆژنامەوانی لە هەولێر و ئاژانس شەفەق نیوز ئامادەی بۊی وت: ئیمە لە وەزارەتەگە بڕیار دایمن هاوکاری وەگەرد کۆمسیۆن باڵای هەڵبژاردن وە خاتر سەرکەفتن هەڵبژاردن بکەیمن، ئەراوە ئەوان پشۆی دەوام مەکتەوەیل تا ماوەی سێ رووژ خوازن.
و دیاری کرد ک کۆمسیۆن داوا لە وەزارەتەگە کرد رووژەیل پشۆێ دەوامە زیایەو بکەێدخ و لە شەش تەشرین یەکەم تا یانزەی ئی مانگە بوودە پشۆی فەرمی لە گشت چینەیل خوەنەواری لە هەرێم کوردستان.
حەمە وتیش؛ لە ١٢ی ئی مانگە دەوامەگە دووارە کریەێد.
