ڕەشەبای جەمسەری لەماوەی چەن رووژیگ رەسێدە هەرێم کوردستان
شەفەق نیوز/ پسپۆر کەشناسی سیروان ساڵح، ئمڕوو سێشەممە، مەزەنە کرد ک لە سەرەتای هەفتەی ئایندە وارون لە ناوچە کۊێەیلە بوارێد لەوەر کاریگەری ڕەشەبای سەردیگ.
ساڵح لە پۆستیگ ئمڕوو نۊسان؛ ئەگەر وەفر وەرین لە کۆتایی ئی هەفتە و سەرەتای هەفتەی ئایندە هەس، لەوەر کاریگەری ڕەشەبای جەمسەری سەردیگ لە بەشیگ لە کۊیەیل هەرێم کوردستان و باکورور تورکیا و باکورور ئیران، و ئەگەر وارانەیک رفتیگ لەو ناوچەیلە هەس.
وتیش؛ چۊنکە ئی پارچەی جەمسەریە وە دریای سیا ڕەد بوود و خوەرهەڵات دەریای ناوڕاس گرێدەو، ئەگەرە ک بەشیگ لە تەڕی وەرەو کۊیەیل هەرێم کوردستان بارێد، و ئەگەر واران لە ناوچە کۊێەیلەی باکورور سلێمانی و هەولێر و دهۆک هەس، وەگەرد داوەزین گەورەیگ لە ئاست گەرمی، وتیش؛ دۊر نییە ک کەمیگ وەفر لەبان تک کۊیەی حەسارۆست و هەڵگورد بوارێد.
دەربارەی ناوچەیل گەرمیان ک بەرزترین پلەیل گەرمی توومار کردن، پسپۆر کەشناسی وت: پلەی گەرمی لەو ناوچەیەلە یەک جار داوەزێد، و ئەوەسا رەسێدە ناوڕاس ٣٠ پلەی سەدی، وێیواران هەس وە سەردی کریەێد.
