کەشوهەوای 48 ساعەت ئایندە لە هەرێم کوردستان
2023-05-02T09:05:17+00:00
شەفەق نیوز/ وەڕێەوبەرایەتی کەشناسی و زەویلەرزەزانی هەرێم، ئمڕوو سێشەممە، راگەیان پلەی گەرما دوو تا سێ پلە نزمەوبوود.
وەڕێەوبەرایەتی گشتی کەشناسی و زەویلەرزەناسی هەرێم بەیاننامەیگ بڵاوکرد، راگەیان، ئمڕوو ئاسمان هەڕێم ساماڵ و لەکەئەورە لە ناوچە کویەیلە نیمەئەورە و پلەی گەرما دوو تا سێ پلە داوەزێد.
دیاریکرد سوو دووشەممە، ئاسمان وە گشتی ساماڵ و لەکەئەورە وە بەراورد وە توومارەیل ئمڕوو پلەی گەرما یەک تا دوو پلە نزمەوبوود.
دیاریکرد، بەرزترین پلەیل گەرمی مەزەنەکریاگ وە پلەی سیلیزی وەیجویرە بوود:
هەولێر :25پلەى سیلیزى
سلێمانی : 23 پلەى سیلیزى
دهۆک : 22 پلەى سیلیزى
کەرکوک : 27 پلەى سیلیزى
هەڵەبجە : 22 پلەى سیلیزى
زاخۆ :22 پلەى سیلیزى
سۆران : 20 پلەى سیلیزى
گەرمیان : 30 پلەى سیلیزى.
