کەشوهەوای دوو رووژ هەرێم کوردستان

شەفەق نیوز/ دەسەی کشناسی لە وەڕێوەبەرایەتی گشتی گواستنەوە و گەیاندن، ئمڕوو چوارشەممە، مەزەنەیل دوو رووژ راگەیان.

دەسەگە لە بەیاننامەیگ کە ئاژانس شەفەق نیوز دیەسێ راگەیان، "ئمڕوو ئاسمان وە گشتی نیمە ئەورە وەگەرد تەپوتوز لە کەش ناوچەیل پارێزگایەیل هەولێر و سلێمانی و هەڵەبجە و کەرکوک، لە ئەنجام وەردەوام ناجێگیری کەش ناوچەگەمان لە گاجاریگ هاتێ تونی وا زیای بوود  و هاتێ واران پچڕ پچڕ بوود وە  تایبەت لەبان ناوچە کویەیلەی پارێزگای دهۆک و بەشیگ لە ناوچە کویەیل پارێزگای هەولێر و ئیدارەی سۆران و ئیدارەی راپەڕین , لە ئەنجام وەردەوامی زیایبوین تونی وا ئەگەر بەرزوبوین تەپوتوز زیاترە".

دیاریکرد "سوو لە ئەنجام وەردەوامی ناجیگیری کەش ناوچەگەمان ئاسمان ناوچەگە نیمەئەور بوود هاتێ نمە واران کەمیگ بوارێد وەگەرد دروس بوین ئەورە تریشقە لەبان ناوچە کویەیلە لە وەخت واران، هەمیش هاتێ تەپوتووز کەمیگ لەبان بەشیگ لەناوچەگە بەرزەوبوود".

بەرزترین پلەی گەرمی شار و ناوچەیل هەرێم کوردستان:

هەولێر : 32  پلەی سیلیزی

سلێمانی : 32 پلەی سیلیزی

دهۆک : 32  پلەی سیلیزی 

کەرکوک : 37 پلەی سیلیزی  

زاخۆ  : 31 پلەی سیلیزی

هەڵەبجە : 32 پلەی سیلیزی

سۆران : 27 پلەی سیلیزی

حاجی ئۆمەران : 18 پلەی سیلیزی

گەرمیان :38 پلەی سیلیزی.