کەشناسیگ: وای تونیگ و خوەڵواران و واران روی لە هەرێم کوردستان کەێد

شەفەق نیوز/ شارەزای مژار کەشناسی ئاراس جەبار، ئمڕوو سێشەممە، مەزەنەیل کەشناسی چەن رووژ بانان راگەیان.

ئاراس لە پۆستیگ لەبان تووڕ کۆمەڵایەتی راگەیان، سوو چوارشەممە 19/3/2024 لە ئەنجام نزیکەوبوین زیاترەک   بارستەوایگ سەرد وەبان خوەرهەڵات دەریای ناوەڕاست و تورکیا، وای باشور لەبان ناوچەیل ھەرێم کوردستان و عراق گورجترەوبوود، وەتایبەت لە وەخت نیمەڕوو وە دویا.

 دیاریکرد،  تونی واگە هاناوەین 20-50 کیلۆمەتر لە ساعەتیگ، گاجاریگ رەسێدە زیاتر لە 60 کیلومەتر لە ساعەتیگ و هاتێ خوەڵوارین ناوڕاسیگ هەس لە ئیدارەی گەمیان و پارێزگای سلێمانی،و هەڵەبجە و کەرکوک، لەناوچەیل ترەک رێژەگەی کەمترە.

دیاریکرد، لە شەوەکی شەفەق و لە وەخت شەو سوو چوارشەممە، هاتێ گڕمەهڕ گورجەوبوود و واران کەمیگ لە ناوچەیل جویر سنور پارێزگای سلێمانی و ئیدارەی راپەرین و سۆران بوارێد، پلەی گەرمیبەراورد وە ئمڕوو  2 تا 3 پلە نزمترەو بوود .

ئاراس باس لەوەشکرد،  "کاریگەریی وای باشور و باشور خوەرهەڵات لەبان ناوچەیلمان تا سێ رووژ ئایندە وە گورجی مینێد، وەتایوەت لەەخت نیمەڕوو تا ئیوارە  و تونی وا زیاترەوبوود بەراورد وە وەختەیل ترەک".

 باس لەوەشکرد، رووژ پەنجشەممە 20/3/2025، هاتێ ناوچەیل   باشور و خوەرهەڵات عراق، وە مدوو وەردەوامبوین وای تونیگ شەپوول خەسیگ خوەڵوارین دروسبوود و سەرجەم ناوچەیل ئیدارەی گەرمیان و راپەرین و پارێزگای سلێمانی و ھەڵەبجە بگردەو، و رێژەیگ کەمتر پارێزگایەیل  و ناوچەیل ترەک گرێدەو، پلەیل گەرماش تا سەرەتای ھەفتەی ئایندە وەردەوام نزمەوبوین وەخوەی دوینێد.