کەشناسیگ: هەرێم کوردستان لە چەن رووژ ئایندە گەرمی وەجی هیلێد
شاڵاو لە پۆستیگ کە وەبان تووڕ کۆمەڵایەتی فەیسبووک بڵاویکردیە و ئاژانس خەوەری شەفەق نیوز دیەسێ راگەیان، "مەزەنە کرێد لە ناوڕاس ئێ هەفتە وەیلاوە وە تایوەت نزمە پاڵە پەستۆی گەرمی وەرز ی زەریای هیندی وەرەو ناگورجی و کیشانەوە بچوود کە ساڵانە لە مانگەیل شەش و هەفت و هەشت گورجەوبوود وەروی ناوچەیل و و بوودە هووکار دروسبوین شەپوولیگ گەرمی چالاک و قایم وەبان ناوچەگە.
شاوڵا وتیش؛ لە کۆتایی ئێ مانگە وە ئەو لاوە ، یەکەم کیشانەوە قۆناغ گەرمی تاوسانە دەسوەپی کەێد لە ی قۆناغە کۆتایی وە شەپوول گەرمی گورجەیل تێد کە بوودە هووکار گەرمی شکەتکەر و قایمیگ .
دیاریکرد، تا ئەو رادە ئاڵشتبوود لە ناوچەیل نیمە کویەیل دەشتایی و گەرمەسێریەگان کەشوهەوا هوونکەو بوود و لەناوچەیل کویەیل و کوێستانیەیل کەش هوونکترە تا رادەیگ کە سەردی تێد .
ئاشکەرایکرد، مانگ نۆ لەروی گەرما ناوڕاسە و بەرزترین پلەی گەرمی لە سیەگان جیگیربوود و نزمترین پلەی گەرمی داوەزێد ئەرا بیسەگان و خوار بیسەگان، و مانگ دە وە گشتی پلەی گەرمی تێدە بیسەگان و لە رووژ و لە بڕیگ شوین تا خوار بیس تێد و شەوەیلی نیمە سەرد تا سەردە.
