کەشناسی هەرێم مەزەنەی واران وارین رفت و تونیگ کەێد

کەشناسی هەرێم لە بەیاننامەیگ دیاریکرد، واران وارین لە  گشت ناوچەیل وەردەوامی دیرێد، ک رفتە و گرمەهڕ وەگەردیە، لەناو سنوور پارێزگاى هەولێر و دهۆک و بەشیگ لە ئیدارەى ڕاپەڕین ماوەى وارین تا وەختەیل دویاى نیمەڕوو و ئیوارە وە شیوەی  لێزمە واران و تاوەواران قایمیگ بوود.

دیاریکرد، لە ئیوارە سنوور پارێزگاى سلێمانى و هەڵەبجە و ئیدارەى گەرمیان و بەشیگ لە سنوور پارێزگاى کەرکوک وارانیگ رفت و قایمەو بوود فرەترین واران مەزەنەکریاگ لەشەو لەبان ناوچەیل  بەرزنجە و پێنجوێن و قەرەداغ و دەربەندیخان و ئیدارەى گەرمیان و کەلار و کفرى بوود.

ئەوەیش هاتیە، وە گشتى ئمڕوو تونی وا لە وەختەیل دویاى نیمەڕوو گورجەو بوود ئەرا بان ٤٠ کیلۆمەتر لە ساعەتیگ و پلەی گەرما دوو تا سێ پلە نزمەو بوود.

راگەیاندیش، سوو پەنجشەممە شەپوول وارانەگە کەمەو بوود، جار و جار وارینیگ رفت و مامناوەند بوود وە تایبەت لە ناوچە کویەیلە ئاست وارین فرەترە، و هاتێ تەرزە بوارێد لەوەر نزمەوبوین پلەی گەرما.

بەرزترین پلەی گەرما مەزەنەکریاگ وە پلەی سیلیزی :

هەولێر :20 پلەى سیلیزى

سلێمانی : 18 پلەى سیلیزى

دهۆک : 17پلەى سیلیزى

کەرکوک : 23 پلەى سیلیزى

هەڵەبجە : 21پلەى سیلیزى

زاخۆ :18 پلەى سیلیزى

سۆران : 18 پلەى سیلیزى

گەرمیان : 27 پلەى سیلیزى.