کەشناسی هەرێم مەزەنە کەێد لە سووە پلەی گەرمی 1ــ4 پلە داوەزێد
2023-07-07T09:16:09+00:00
شەفەق نیوز/ وەڕیەوبەرایەتی کەشناسی و زەویلەرزەناسی هەرێم کوردتان، ئمڕوو جومعە، کەشوهەوای ناوچەیل هەرێم راگەیان و مەزەنە کەێد پلەی گەرمی 1ــ4 پلە داوەزێد.
وەڕیەوبەرایەتیەگە لە بەیاننامەیگ راگەیان، ئمڕوو ئاسمان ناوچەیل هەرێم وە گشتی ساماڵە هاتێ تەپوتوز سوکیگ لە هەوا بوود و پلەی گەرما وە بەراورد وە دویکە بەرزترەو بوود.
دیاریکرد، سوو شەممە ئاسمان ناوجەیل هەرێم جویر رووژ جومعە ساماڵە و مەزەنەکریەد توز سوکیگ لە ئاسمان بوود و پلەی گەرمی وە رێژەی 1 تا 4 پلە نزمەوبوود.
بەرزترین پلەیل گەرمی مەزەنەکریاگ وە پلەی سیلیزی :
هەولێر: ٤٠ پلەى سیلیزى
سلێمانی: ٣٩ پلەى سیلیزى
دهۆک: ٣٩ پلەى سیلیزى
کەرکوک: ٤٢ پلەى سیلیزى
هەڵەبجە: ٤٠ پلەى سیلیزى
حاجی ئۆمەران: ٢٦ پلەى سیلیزى
زاخۆ: ٤٠ پلەى سیلیزى
سۆران: ٣٨ پلەى سیلیزى
گەرمیان: ٤٥ پلەى سیلیزى.
