کەشناسی هەرێم: لە فرەیگ لە ناوچە جیاوازەیل نمە واران وارێد وەگەرد وەفروارین لە ناوچە کویەیله

دەسەگە لە بەیاننامەیگ راگەیان، "ئمڕوو ئاسمان نیمە ئەورە تا ئەور تەواویگ لە وەخت ئیوارە هاتێ نمە واران کەمیگ بوارێد لە فرەیگ لە ناوچە جیاوازەیل هەرێم و وەگەرد وەفر وارین کەمیگ لەناوچە کویەیل سنووری  باکوور خوەرهەڵات لە شەو کاریگەری وارین کەمەوبوود، و پلەی گەرمی نزیکەو بوود لە توومارەیل دویکە".

ئاشکەرایکرد، "ئاسمان نیمەئەورە لەوەخت شەوەکی زوی هاتێ تەم دروسبوود لە بڕیگ لە ناوچەیل پارێزگای دهۆک و پارێزگای هەولێر، دویای ئاسمان وەرەو ئەور تەواویگ ئاڵشتبوود، لەدویای نیمەڕوو نمە وارانیگ کەم لەناوچەیل خوەرئاوای هەرێم و پارێزگای دهۆک وارێد وەگەرد کەمیگ وەفر لە ناوچە کویەیل سنووری باکوور خوەرهەڵات و پلەی گەرمی کەمیگ بەرزترەو بوود لەچەو توومارەیل ئمڕوو" .

بەرزترین پلەی گەرمی مەزەنەکریاگ وە پلەی سیلیزی:

هەولێر : 14 

سلێمانی : 12

دهۆک : 16

کەرکوک : 17

هەڵەبجە : 13

زاخۆ : 17 

سۆران : 9

حاجی ئۆمەران : 4

گەرمیان : 19.