کەشناسی هەرێم... خوەڵوتوز دەسوەپی کەێد
2023-05-07T09:05:51+00:00
شەفەق نیوز/ وەڕێەوبەرایەتی گشتی کەشناسی هەرێم کوردستان، ئمڕوو یەکشەممە، کەشوهەوای هەریم کوردستان راگەیان.
وەڕێەوبەرایەتیەگە لە بەیاننامەیگ رەسیە ئاژانس شەفەق نیوز راگەیان، ئمڕوو خێرایی وت تا 25کم لە ساعەتیگ بەرزەوبوود، بوودە هووکار دروسبوین خوەڵ و تووز .
دیاریکرد، ئمروو ئاسمان نیمە ئەور تا ئەور تەواویگە و لەناوچە کویەیلە بڕیگ جار پرزە واران وارێد و پلەی گەرما یەک تا سێ پلە وە بەراورد وە توومارەیل دویەکە بەرزەوبوود.
دیاریکرد، رووژ دووشەممە ئاسمان ساماڵ و لەکەئەورە و پلەی گەرما دوو تا چوار پلە وە بەراورد وە ئمڕوو داوەزێد.
وەپای بەیاننامەگە بەرزترین پلە گەرمی شارەیل وە پلەی سیلیزی لە هەرێم وەیجویرەس:
هەولێر: ٢٧ پلەى سیلیزى
سلێمانی: ٢٥ پلەى سیلیزى
دهۆک : ٢٦ پلەى سیلیزى
کەرکوک: ٣١ پلەى سیلیزى
هەڵەبجە: ٢٧ پلەى سیلیزى
حاجی ئۆمەران : ١٨ پلەى سیلیزى
زاخۆ: ٢٧ پلەى سیلیزى
سۆران: ٢٤ پلەى سیلیزى
گەرمیان: ٣٤ پلەى سیلیزى.
