کەشناسی هەرێم: تەپووتوز سووکیگ فرە لەناوچەیل گرێدەو

شەفەق نیوز/ وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو چوارشەممە، راگەیان ئمڕوو و سوو تەپوتووز سووکیگ ناوچەیل هەرێم گرێدەو.

کەشناسی هەرێم لە بەیانناامەیگ رەسیە ئاژانس شەفەق نیوز راگەیان "ئمڕوو ئاسمان ساماڵ و لەکە ئەورە لە دویای نیمەڕوو ئاڵشتبوود ئەرا نیمە ئەور وەرد تەپوتووز سووکیگ لە فرەیگ ناوچەیل هەرێم و پلەی گەرمی کەمیگ نزمەوبوود".

کەشناسی دیاریکرد "سوو وە گشتی ئاسمان نیمە ئەورە، لە سنوور ناوچە کویەیلەی پارێزگای دهۆک وە ایوەت و بەشیگ لە ناوچەیل پارێزگای هەولێر و بەشیگ لە ئیدارەی راپەرین نمە واران و گڕمەهڕە لە وەختەیل شەوەکی تا ئیارە و هاتێ تەپوتوز بەرزەوبوود".

بەرزترین پلەی گەرمی مەزەنەکریاگ وە پلەی سیلیزی :

هەولێر     : 33  پلەى سیلیزى

سلێمانی  : 32 پلەى سیلیزى

دهۆک     : 31 پلەى سیلیزى

کەرکوک  : 35 پلەى سیلیزى

هەڵەبجە : 33 پلەى سیلیزى

زاخۆ      : 30  پلەى سیلیزى

حاجی ئۆمەران : 20  پلەى سیلیزى

سۆران    :  31  پلەى سیلیزى

گەرمیان  :   36  پلەى سیلیزى.