کەشناسی هەرم مەزەنەی واران وارین و داوەزیان پلەی گەرمی کەێد

شەفەق نیوز/ وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو شەممە، مەزەنەیل کەشوهەوای دوو رووژ راگەیان.

وەڕێوەبەرایەتیەگە لە بەیاننامەیگ راگەیان، "ئمڕوو ئاسمان نیمەئەور تا ئەور تەواویگە، هاتێ کەمیگ نمە واران لە ناوچە کویەیلە و ناوچەیل سنوور پارێزگای سلێمانی بوارێد و پلەی گەرمی داوەزیان وەخوەی دوینێد".

ئاشکرایکرد "سوو یەکشەممە، ئاسمان ئەور تەواو و نمە واران و واران مامناوەندە لە وەخت و ناوچە جیاوازەیل، لەوەخت ئیواران واران وارین زیاترەوبوود، وە تایوەت لە سنوور پارێزگای سلێمانی لە شەو کاریگەری شەپوولەگە زیایکەێد،  و واران وارین گشت ناوچەیل هەرێم گرێدەو و پلەی گەرمی 1 تا 2 پلە داوەزێد".

بەرزترین پلەی گەرمی مەزەنەکریاگ لە شار و ناوچەیل :

هەولێر     : 22 پلەى سیلیزى

سلێمانی  : 21 پلەى سیلیزى

دهۆک     : 23 پلەى سیلیزى

کەرکوک  : 23 پلەى سیلیزى

هەڵەبجە : 21  پلەى سیلیزى

زاخۆ      : 23 پلەى سیلیزى

حاجی ئۆمەران : 10 پلەى سیلیزى

سۆران    :  20 پلەى سیلیزى

گەرمیان  :   23 پلەى سیلیزى.