پیشمەرگە 3 شوان رفیای لە چنگ "داعش" نزیک دووزخورماتوو ئازاد کەێد
2025-02-19T14:34:43+00:00
شەفەق نیوز/ سەرچەوەیگ ئەمنی لە قەزای دووزخورماتوو لە پارێزگای سەڵاحەدین، ئمڕوو چوارشەممە، راگەیان کە هیزیگ پیشمەرگە سێ شوان لە دەس ئەندامەیل داعش ئازاد کردن.
سەرچەوەگە ئەرا ئاژانس شەفەق نیوز وت: هیزیگ لە لیوای نۆهەم و لیوای سی و دویەم لە پیشمەرگە، دویای رەسین زانیاری لەبان رفیان سێ شوان وەلایەن ئەندامەیل ریخریاگ داعش نزیک ئاوای دوراجي لە ناوچەی داوودە سەروە قەزای دووزخورماتوو کەفتە جویلە.
سەرچەوەگە وتیش: هاوکاری خەڵک ئاوایەیل وەرد هیزیگ پیشمەرگە دەسمیەتی دا لە ئازادکردن لەو شوینە کە بڕفنەیل لەناو میوانخانەیگ هیشتتە و وەرەو شوین نادیاریگ واینە، لەو ناوچە کە بەشیگە لە بۆشایی ئەمنی ناوەین هیزەیل ئەمنی فیدڕاڵی و هیزەیل پیشمەرگە.
