پیشمەرگە وەگەرد شاندیگ ئەمریکی باس میکانیزمەیل چاکسازی و بەرزکردن توانایلی کەێد
شەفەق نیوز/ وەزارەت پیشمەرگە لە هەرێم کوردستان، ئمڕوو چوارشەممە، ئەنجامدان گردەوبوین فراوانیگ وەگەرد شاندیگ سەربازی ئەمریکی راگەیان، ئەرا باسکردن لە میکانیزمەیل چاکسازی و رێکخستن هیزەیل پیشمەرگە.
راگەیانن وەزارەتەگە لە بەیاننامەیگ رەسیە ئاژانس شەفەق نیوز وت: گردەوبوینیگ لە سەرۆکایەتی هەرێم کوردستان ئەنجام دریا وەرد شاندیگ سەربازی دیبلۆماسی ئەمریکی، وەئامادەبوین شێخ جەعفەر شێخ مستەفا جیگر سەرۆک هەرێم، و شۆڕش ئیسماعیل وەزیر پیشمەرگە، و عەبدولخالق باپیری جینشین وەزارەتەگە، و فرەیق روکن عیسا عوزێر سەرۆک ئەرکان، و بەختیار محمد ئەمین سکرتێر گشتی، و ژەنراڵ کیڤین لیهی فەرماندەی هیزەیل هاوپەیمان لە عراق و سوریا، و شمارەیگ لە گەورە ئەفسەرەیل پیشمەرگە.
وتیش: لە دیدارەگە باس هەماهەنگی و کار هاوبەش ناوەین هەردوگلا کریا، و چاکسازی و رێکخستن هیزەیل پیشمەرگە، وەتایبەت لە چین چاکسازی و دووارە رێکخستن هیزەیل، وەگەرد باسکردن لە دویاترین گامەیل کارەگە و گرنگیی، و کارکردن ئەرا شکانن ریگریەیل لەڕویی.
وتیش: لەباوەت جیوەجیکردن گام هاتگ، دووپات لەبان هاوکاری ناوەین دوو لایەن کریا ئەرا سەرکەفتنی، دیاری کرد کە دیدارەگە باسکردن رەوش گشتی لە ناوچەگە لەناوی بوی.
