شاندیگ لە حکومەت هەرێم کوردستان سەردان بەغداد کەێد ئەرا مەرەقەزکردن مووچەی چەودیاریکردن کۆمەڵایەتی لە کوردستان
![شاندیگ لە حکومەت هەرێم کوردستان سەردان بەغداد کەێد ئەرا مەرەقەزکردن مووچەی چەودیاریکردن کۆمەڵایەتی لە کوردستان](https://media.shafaq.com/media/arcella/1722332833672.jpg)
2024-07-30T09:47:24+00:00
شەفەق نیوز/ کوێستان محمد خانمە وەزیر کار و کاروبارەیل کۆمەڵایەتی، ئمڕوو سێشەممە، راگەیان کە شاندیگ لە وەزارەتەگە لە سەرەتای مانگ ئاب سەردان بەغداد پایتەخت کەێد، ئەرا زیایکردن مووچەی خاوەن خوازینەیل تایبەت، و گلەوداین مووچەی چەودیاریکردن کۆمەڵایەتی کە یە ماوەیگە لە خیزانە شایستەیل لە هەرێم کوردستان بڕیاس.
کوێستان محمد لە کۆنگرەیگ رووژنامەوانی وت: شاند وەزارەتەگە چوود ئەرا بەغداد ئەرا باوەت زیایکردن مووچەی خاوەن خوازینەیل تایبەت، هەکاتی هاوشیوەیلیان لەو پارێزگایل عراق.
وتیش: مووچەی چەودیاریکردن کۆمەڵایەتی لە ساڵ ٢٠١٥ەو بڕیاس، ئەوەیش باوەتیگ ترە، و داوای خەرجکردنی کرد خەڵکانی ئەو ناوچەیل عراق کە شمارەیان رەسێدە دوو ملیۆن خیزان، و نەدارەیل لە هەرێم کوردستان سوود لە بوودجەی وڵات بگرن.