شاند حکومەت هەرێم دووپات لە وەردەوامی دانوستانەگان لەباوەت بوودجەگە کەێد

Category: هــــه‌واڵ كــوردى

Date: 2021-02-24T12:05:51+0000
شاند حکومەت هەرێم دووپات لە وەردەوامی دانوستانەگان لەباوەت بوودجەگە کەێد

شەفەق نیوز/ ئەنجومەن وەزیران لە هەرێم کوردستان، ئمڕوو چوارشەممە، کۆبونەوەیگ وە سەرۆکایەتی مەسرور بارزانی سەرۆک حکومەت و قوباد تاڵەبانی جیگری ئەنجام دا.

لە سەرتای کۆبونەوەگە، تاڵەبانی رووشنایی خستە بان دویاترین نووەوەبویەگان لە دانووستانەگان وەگەرد حکومەت فیدڕاڵی لەباوەت بوودجەگە و شایستە داراییەگان ئەرا هەرێم کوردستان لە بوودجەی ساڵ ٢٠٢١، و دووپات کرد ک دانووستانەگان وەردەوامن و ئیسە ئامادەیی خاسیگ ئەرا چارەسەرکەردن ئی باوەتە هەس.

ئیجا، هەرلە ئاوات شێخ جەناب وەزیر دارایی و ئابووری، و دارا رەشید وەزیر پلانسازی رووشنایی خستنە بان ئامادەکاریەگان ئەرا پڕۆژەی یاسای بوودجەی هەرێم کوردستان ئەرا ساڵ ٢٠٢١، و ئاماژە کردن ک فرەی ئامارەیل وەزارەتەگان ئەرا ئامادەکردن بوودجەی ئاشکرایگ و راستەقینەیگ هانە وەردەس.

هەمیش لە کۆبونەوەگە دەنگ لەبان رەشنووس پڕۆژەی یاسای وەزارت کارەبای هەرێم کوردستان دریا، ک کەمال محمد ساڵح وەزیر کارەبا خستەی وەردەس.

لە کۆتایی تەوەرەیل کۆبونەوەگە، سامان بەرزنجی وەزیر تەندروسی راپۆرتیگ لە هەڵوێست پەتای ڤایڕۆس کۆڕۆنای ئاڵشتبوی خستە وەردەس، و پەلانەیل وەزارەتەگە ئەرا نواگردنی.

هەرلیوار ئاڵان حەمە سەعید وەزیر پەروەردە دووپات لە وەردەوامی خوەنەواریەگە کرد وەمەرج چەودیریکردن ریکارە تەندروسیەگان ئەرا مقەیەتی سەڵامەتی و ژیان خوەنەوار و ماموستاگان و کارمەنەیل لە چین خوەنەواری.

و دویای ئەوە ک ئەنجومەن وەزیران سوپاس خوەی ئاڕاستەی وەزارەت تەندروسی و ئەو وەزارەتە پەیوەندیدارەگان کرد، لە خود وەختەگە فەرمان داگە وەزارەتەیل و فەرمانگە حکومەتیەگان وە گرنگی چەودیریکردن ریکارە مقەیەتیەگان و رینما تەندروسیەگان، و داوا لە هاووڵاتییەگان کرد وەگەرد پلانەیل و رینمایل حکومەت هەرێم کوردستان هاوکار بوون، ئەرا نواگردن لە بڵاوبوین ڤایرۆسە ئاڵشابویەگە.

related

هەرێم کوردستان کەفێدە وەر شەپۆلیگ لە یەخ و واران

Date: 2021-03-09 09:17:23
هەرێم کوردستان کەفێدە وەر شەپۆلیگ لە یەخ و واران

خانمە نووسەریگ فەیلی باڵاترین خەڵاتەیل سوید وەرگرێد

Date: 2021-01-16 11:27:34
خانمە نووسەریگ فەیلی باڵاترین خەڵاتەیل سوید وەرگرێد

هەیشتا ژن رزگاربوی ئەیزیدی لە پڕۆژەیگ کشتوکاڵی لە قەزای شێخان

Date: 2021-03-25 11:32:02
هەیشتا ژن رزگاربوی ئەیزیدی لە پڕۆژەیگ کشتوکاڵی لە قەزای شێخان

ژیمناست‌کارەێل مەهابادی درەوشیا

Date: 2021-01-29 08:54:24
ژیمناست‌کارەێل مەهابادی درەوشیا

فڕۆکەیل تورکیا بمباران شوونەیل پەکەکە لە ناو هەرێم کەن

Date: 2021-04-06 14:53:15
فڕۆکەیل تورکیا بمباران شوونەیل پەکەکە لە ناو هەرێم کەن

زوقۆم، دەروەسی ئوو قەڵوارووی هەوا

Date: 2020-12-14 18:18:05
زوقۆم، دەروەسی ئوو قەڵوارووی هەوا

وەزیر پەروەردە راگەینێد پێشکەشکردن چەن پێشنیاریگ لەباوەت هاتنەوەی دەوام لە مەکتەوەگان

Date: 2021-02-01 10:37:30
وەزیر پەروەردە راگەینێد پێشکەشکردن چەن پێشنیاریگ لەباوەت هاتنەوەی دەوام لە مەکتەوەگان

وەزارەت پەروەردەی هەرێم تا بانگوازیگ تر مەکتەوەیل وە بەسیاگی هیلێد

Date: 2021-04-08 10:31:39
وەزارەت پەروەردەی هەرێم تا بانگوازیگ تر مەکتەوەیل وە بەسیاگی هیلێد