شانديگ ئه‌مريكى: ئامانجمان به‌رزكردنه‌وه‌ى توانايه‌يل سه‌ربازێ هيزه‌يل پێشمه‌رگه‌س
2019-09-02T21:04:11+00:00
شه‌فه‌ق نيوز/ شۆڕش ئسماعيل وه‌زير پێشمه‌رگه له حكومه‌ت هه‌رێم كوردستان، له دانيشتنيگ وه‌ل تيميگ ئه‌مريكى ئه‌را هه‌ماهه‌نگى سه‌ربازێ له ناوه‌ند مه‌شقكارى هاوپه‌يمان ناوده‌وڵه‌تى، باس له په‌يوه‌نديه‌يل سه‌ربازێ ناونى هه‌ردوگلا و بارودوخ ناوچه‌گه‌و پرووسه‌يل خاسسازێ كرد له وه‌زاره‌ت پێشمه‌رگه
ئسماعيل له‌و دانيشتنه باس له هه‌وڵه‌يل وه‌رده‌وام هاوپه‌يمان ناوده‌وڵه‌تى كرد له ده‌سميه‌ته‌يلێ ئه‌را هيزه‌يل پێشمه‌رگه‌و وت: هه‌ماهه‌نگى و هاوكار و راوێژكاره‌يل و هيزه‌يل ئه‌مريكى جى گرنگيمانه.
لاى خوه‌ييشه‌و، تيم سه‌ربازێ ئه‌را نويسينگه‌ى هه‌ماهه‌نگى سه‌ربازى ئه‌مريكى جه‌خت له وه‌رده‌وامى له په‌يوه‌نديه‌يليان كرد و وت: له‌ڕوێ مه‌شقداينه‌و هه‌وڵ به‌رزه‌وكردن توانايه‌يل سه‌ربازێ هيزه‌يل پێشمه‌رگه ئه‌يه‌يم.
