شاريگ له هه‌رێم كوردستان له‌وه‌ر كۆرۆنا وه‌ته‌واوى داخريا
2020-03-23T08:20:13+00:00
شه‌فه‌ق نيوز/ قه‌زاى چه‌مچه‌ماڵ سه‌ر وه پاريزگاى سلێمانى له هه‌رێم كوردستان، ده‌سكرده داخستن ريه‌يل ده‌ورگردى و ريه‌يل سه‌ره‌كى له قه‌زاگه، ئه‌ويش دوياى تۆماركردن يه‌كه‌م حاڵه‌ت وه ڤايرۆس كۆرۆنا.
ئى رێ وشوونه دوياى ئه‌وه هات ك وه‌ريه‌وبه‌ر ته‌ندروستى سلێمانى داوا له مه‌ردم هه‌ردوگ قه‌زاى ده‌ربه‌نديخان و چه‌مچه‌ماڵ كرد زياتر پابه‌ند بوون وه رينمايه‌يل فيشتر له مه‌ردم سه‌رجه‌م ناوچه‌يل تر و له ماڵه‌يل خوه‌يان بمينن.
جى باسه، زويتريش وه‌زاره‌ت ته‌ندروستى له هه‌رێم كوردستان داوا كرد كه‌ره‌نتينه‌ى ته‌واو شاره‌گه بكريه‌ێد له‌وه‌ر له‌خوه‌يگرن ڤايرۆس كۆرۆناى تازه‌و ريگرى له بڵاوبوينه‌وه‌ى ئه‌و ڤايرۆسه.
