سەرۆک هەرێم کوردستان و سەرۆک عراق باس گرنگی گفتوگۆ ئەرا چارەکردن گرفتەیل هەولێر و بەغدا کەن
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، چەوی کەفتە دکتۆر عەبدولەتیف جەمال رەشید سەرۆک کۆمار عراق، لە شار هەولێر.
سەرۆکایەتی کۆمار عراق لە بەیاننامەیگ رەسیە ئاژانس شەفەق نیوز وت: لە دیدارەگە باس رەوشەیل گشتی لە عراق کریا، و ئەوەگ پەیوەندی وە پەیوەندی ناوبەین بەغداد و هەولێر دیرێد، ک دووپات لە گرنگی گفتوگۆ کرد ئەرا یەکلاوەکردن باوەتەیل گیرهاتگ ناوبەین حکومەت فیدراڵی و حکومەت هەرێم کوردستان وەگورەی دەستور، و وەو شیوە ک مافەیل گشت هاووڵاتییەل مسۆگەر کەێد، و خوازین و داوایان جیوەجی کەێد.
سەرۆک هەرێم کوردستان باس دڵنیایی قە سەرۆک کۆمار کرد ئەرا جیوەجیکردن ئەرک گرنگیگ لە یەکلاکردنەوەی باوەتەیل گیرهاتگ، و دووپات لە ئارەزوو هەرێم کوردستان کرد ئەرا بتەوکردن گفتوگۆ و رەسین ئەرا چارەسەری لە بنەمای دەستور ک بەرژەوەنی هاوبەش مسۆگەر بکەێد.
وەگورەی بەیاننامەگە، بڕیگ لە گەورە وەرپرسەیل هەرێم کوردستان ئامادەی ئەو دیدارە بوین.
سەرۆکایەتی هەرێم کوردستان لە بەیاننامەیگ لە زوان نێچیروان بارزانی وت: مەزەنە دیریمن ک لەڕی ئی دەرفەتە ک پۆستەگە وەپیدان دەێدەی، رۆلیگ لە چارەکردن گرفتەیل بیاشتاین، و دوپات لە ئامادەیی و پاڵپشتیکردن تەواوی هەرێم کوردستان کرد ئەرا چارەکردن گرفتەیل وەرد بەغدا، و کار هاوبەش وەرد حکومەت فیدراڵی وەخاتر ئاسایش و ئارامی وڵاتەگە.
لەلای خوەییش، وەگەرد سوپاسکردن لە پیشوازیکردن نێچیروان بارزانی و پاڵپشتیکردنی، سەرۆک کۆمار عراق، باس لە ئومیدی وە کار هاوبەش کرد، وە پاڵپشتی گشت هیز و لایەنەیل سیاسی، ئەرا چارەکردن گرفتەیل هەولێر- بەغدا و ئەو گرفتەیل وڵاتەگە وەگشتی، و مقەیەتیکردن ئاسایش و ئارامی.
لەو دیدارە ک شێخ جەعفەر شێخ مستەفا ئامادەی بوی، هەردوگ لایەنەگە زوور لەوە کردن ک لەیەک لەیەکڕەسینەوەی هاوبەش ناوبەین هەولێر و بەغدا کلیل ئاسایش و ئارامیە لە وڵاتەگە، هەمیش هەردوگ لایەنەگە ڕای خوەیان لەباوەت رەوشەیل ناوچەگە وەشیوەی گشتی کردن، وەگەرد بڕیگ لەو باوەتەیلە ک لەلای هەردوگ لایەنەگە گرنگە.
