سەرۆک هەرێم کوردستان وەگەرد سەرۆک ئیران لە تەهران گردەو بوود
شەفەق نيوز/ مەسعود پزیشکیان سەرۆک کۆمار ئیسلامی ئیران، ئمڕوو یەکشەممە، لە تەهران پایتەخت، چەوی کەفتە نێچیروان بارزانی سەرۆک هەرێم کوردستان، ئەوەیش لە پەراویز بەشداریکردنی لە خول چوارەم کۆڕبەند دیالۆگ تەهران.
لە شوین گردەوبوینەگە، سەرۆک هەرێم کوردستان لەبان پلاتفۆرم ئێکس نویسان: فرە خوەشاڵ بویم وە دیدار ئمڕروو لە تەهران وەگەرد مەسعود پزیشکیان سەرۆک کۆمار ئیسلامی ئیران.
وتیش: لە دیدارەگە دووپات لە پاڵپشتیکردن پەیوەندییەیل دووانی و فراوانکردن چینەیل هاوکاری هاوبەش ناوەین کۆمار ئیسلامی ئیران و هەرلە عراق و هەرێم کوردستان لە گشت شوینەیل کرد.
نێچیروان بارزانی وتیش: هەمیش نووڕینەیل لەباوەت دویاترین گەشەیل و رەوشەیل ناوچەگە ئەرا یەکتری وتیمن، و دووپات لەبان گرنگی مقیەتیکردن ئارامی و کپی و پاڵپشتیکردن هاوکاری گشتگیر کردیمن لە بنەمای بەرژەوەنیەیل هاوبەش.
سەردان بارزانی ئەرا تەهران وە مکیسیگ فەرمی لەلایەن عەباس عراقچی ٦دەیشت ئیران تیەێد، ئەرا بەشداریکردن لەو کۆڕبەندە کە لە رووژەیل 18 و19ی ئایار وەڕیەو چوود، و بەشداریکردن شاندەیل 53 دەوڵەت.
لە وتاریگ لەناو کۆڕبەندەگە، بارزانی باس سەختیەیل لەڕوی پەیوەندییەیل ناوەین بەغداد و هەولێر کرد، و دووپات کرد کە حکومەت بەغداد وەگورەی دەستوور وەرد هەرێم کوردستانا رەفتار نیەکەێد، کە چارەسەری زویوەزوی خوازێد ئەرا٨پرس فیدڕاڵی ناوەین دوو لایەن.
بارزانی دووپاتیش کرد لەبان ئەو پەیوەندییەیل میژووی و کەلتوریە کە گەل کورد و ئیرانی وەیەکەو بەسن.
