سەرۆک هەرێم کوردستان لە میونشنەو "گەورەترین گیچەڵ لە عراق دیاری کەێد": قەرەباڵغی هاتوچو
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، دووپات کرد کە رەوشەیل ئیسە لە عراق خاسە، و لەپسا پڕۆژەیلیگ جیوەجی کریەن، وەلێ گیچەڵە گەورەگە قەرەباڵغی هاتوچوە، و باس پەیوەندییەیل ناوەین هەولێر و بەغدا کرد کە فرە لە جاران رەوانترە.
بارزانی لە کۆنگرەیگ رووژنامەوانی لەشار میونشن ئەڵمانیا کە ئاژانس شەفەق نیوز چەودیاریی کرد وت: سوپاس ئەرا خودا، رەوشەگە لە عراق خاسەر و پڕۆژەیلیگ لەپسا جیوەجی کریەنر و لەی کۆنفرانسە (میونشن ئەرا ئاسایش) هەناێ لەلیم پرسیار کردن لە دیارترین گیچەڵەیل عراق لەی وەختە، ئەرایان وتم: گەورەترین گیچەڵ لە عراق لەی وەختە خوەی قەرەباڵغی هاتوچوە.
وتیش: ئی کارە دەڵخوەشکەرە هەناێ دوینێ نە عراق کێشەیل گەورە لەناوی نییە، و گەل عراق شایستەی ژیانیگ خاسترە، و ئیمە چەوەڕی گامەیل چارەسەری کێشەیەیل وە ئەرێنی کەیمن هەرچەنیگ بویچگ بوون.
لەباوەت پەیوەندییەیل ناوەین هەولێر و بەغدا، بارزانی دووپات کرد کە لەی وەختە پەیوەندی لە جاران فرە خاسترە، و دوینیمن کە سەرۆک وەزیرەیل فیدراڵی سوپاس ئەرای، تەقەلا و رەنج دەێد ئەرا چارەکردن گیچەڵەیل ناوەین دوو لایەن، و ئمڕوو جویر یەک تیم کار کەیمن نەک جویر دوو لایەن، و چوین ئەیەکەمان تەواو ئەوەکە بکەێد.
لەباوەت هیزەیل پیشمەرگە، سەرۆک هەرێم کوردستان دیاری کرد کە هیزەیل هاوپەیمان ناودەوڵەتی بەشداری لە چاکسازی هیزەیل پیشمەرگە کەن، و ئی کارە جددیە هەرچەن وەزوی نیەکەفێدە ری، و گشت سەرکردەیل دەوڵەتەیل کە چەومان کەفتە بیستن دووپات لە پابەندبوین و ئارەزوویان لە یەکخستن هیزەیل پیشمەرگە کردن.
