سەرۆک هەرێم کوردستان لەباوەت کوشیان قورەێشی: گورز گەپیگ بۊ ئەرا داعش
![سەرۆک هەرێم کوردستان لەباوەت کوشیان قورەێشی: گورز گەپیگ بۊ ئەرا داعش](https://media.shafaq.com/media/arcella/1643967153643.jpg)
شەفەق نیوز/ نێچیرڤان بارزانی سهرۆك ههرێم كوردستان، ئمڕوو جومعە، راگەیان کوشیان سەرکردەی رێکخریاگ داعش ئهبو ئیبراهیم هاشمی قوڕهیشی گورز گەپیگ بۊ ئەرا سهركردایهتی داعش.
نێچیرڤان بارزانی له تویتیگ له هەشمار تایبەت وە خوەی نۊسایە، "کوشیان قورەێشی كردهوهیگ دادپهروهرانه بۊ ئەرا قوربانییەیل دهس تاوانه تیرۆریستییەیل ك داعش ئهنجامیان دایە".
وتیش، "دەسخوەشی لە هاوبهشه ئهمریكیهیلمان کەێمن ئەرا ئهو ئهركه سەرکەفتگە و پابهندبۊن خوەمان ئەرا جەنگکردن و نههیشتن تیرۆر دووپات کەێمن". ئیوارەی دۊکە پەنجشەممە، جۆ بایدن سهرۆك ئهمریكا راگەیان،
ئەبو ئیبراهیم هاشمی قوڕەشی سەرکردەی داعش لە پەڵامارەیل ئەمریکا لە باکور خوەرئاوای سوریا کوشیا و دووپاتکرد، "وهردهوام مینیمن له ههماههنگی و كاركردن وەگەرد هاوبهشهیلمان ئەرارۊوەرۊبۊن تیرۆرستەیل وهتایبهت هێزهیل پێشمهرگه و هێزهیل سوریای دیموكرات". ئەبو ئیبراهیم هاشمی قورەیشی لە ساڵ 2019 جۊر فەرماندەی نوو داعش دەسنیشان کریا دۊیای ئەوەگ ئەبوبەکر بەغدادی لەو مەوقە کوشیا. قوڕەێشی لە بنەڕەت ناوی ئەمیر محەمەد سەعید عەبدولرەحمانە ناسریاگە وە عەبدوڵا قەرەداش تورکمان تەلعەفەرە لە خوەرئاوەی نەینەوا.