سەرۆک هەرێم کوردستان پێشوازی لە راگەیانن ئاگربەس ناوەین ئیران و ئیسرائیل کەێد

شەفەق نیوز/ سەرۆک هەرێم کوردستان نێچیروان بارزانی، ئمڕوو سێشەممە، پیشوازی لە راگەیانن ئاگربەس ناوەین ئیران و ئیسرایل وەلایەن  سەرۆک وڵاتە یەکگرتگەیل  دۆناڵد ترەمپ کرد.

سەرۆک نێچیروان بارزانی لە پۆستیگ لەبان پێگەی "ئێکس ـ تویتەر وەرین" وت ؛ "وە تەواوی لەو باوەڕەس   تاکە ری بژاردەیی ئەرا سەقامگیری و ئاسایش و خوەشگوزەرانی وەردەوام لە خوەرهەڵات ناوڕاس لە ری گفتوگۆی هەمەلایەنە و بنیاتنەر و لێکفامسن یەکترە لە ناوەین گشت لایەنەیل".

 هەمیش سەرۆک هەرێم پێزانینی خوەی ئەرا سەرۆک ترامپ و سەرکردەیل ترەک نیشاندان ئەرا   پابەندبوینیان وە دیبلۆماسی و چارەسەرکردن ئاشتیانەی وردەوردەیل لەی وەختە.

لێدوانەگەی نێچیروان بارزانی یەکەم هەڵوێستە کە وەرپرسیگ باڵای عراق لەباوەت وە  راگەیانن ئاگربەس ناوەین ئێران و ئیسرائیل بڵاویکردیە، دویای جەنگ 12 رووژە کە  هەردوگلا پەلامار ئاسمانی  و مووشەکی وێرانکەر جیوەجی کردن.