سەرۆک هەرێم کوردستان پیشوازی لە باڵیۆز رووسیا کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، دووپات لە گرنگی گفتوگۆ و هاوکاری هاوبەش ناوبەین لایەنەیل عراقی کەرد ئەرا لەیەکرەسینەوەیگ ک بیلێد کابینەی کومەت دروس بوود.
نوسینگەی سەرۆک نێچیروان بارزانی لە بەیاننامیگ رەسیە ئاژانس شەفەق نیوز وت: بارزانی پیشوازی لە ئیلبرۆس کوتراچیڤ باڵیۆز رووسیا و شاند یاوەری کرد، و باس لە دویاترین گەشەیل سیاسی لە عراق و دیرکەفتن پەسەنکردن سەرۆک کۆمار و دروسکردن کابینەی نوو عراق کرد، وەگەرد پەیوەندیەیل رووسیا وەگەرد عراق و هەرێم کوردستان، و پەیوەندیەیل هەولێر-بەغداد.
بارزانی باس لە گرنگی گفتوگۆ ناوبەین هیز و لایەنەیل عراقی و هاوکاری هاوبەش ناوبەینیان کرد ئەراوەگ بکەفنە لەیەکرەسینەوە ورێککەفتن ئەرا پشتسەرنان ریگر و سەختیەیل لەنوای کار سیاسی لە وڵاتەگە.
بەیاننامەگە وتیش: جەنگ لە ئۆکرانیا وکاریگەریەیلی باوەتەیگتر بوی لەو دیدارە، هەردوگ لایان باس لە ئومیدیان لە کۆتایی نزیگیگ ئەرا جەنگ کردن.
لە لاییگتر لە دیدارەگە ک قونسوڵ گشتی رووسیا لە هەرێم کوردستان ئامادەی بوی، باس دویاترین گەشەیل لە ناوچەگە وەشیوەی گشتی کریا، وەگەرد بڕیگ لەو باوەتەیلە ک لەلای هەردوگلا گرنگە.
