سەرۆک هەرێم کوردستان سەرەخوەشی وە مردن سکرتێر وەرین حزب شیوعی کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو پەنجشەممە، پرسە و سەرەخوەشی وە مردن کەریم ئەحمەد سکرتێر وەرین حزب شیوعی کوردستانی کرد، ک ئمڕوو لە تەمەن نزیک ١٠٠ ساڵی کووچ کرد.
لە پەیام پرسەگە لەلایەن سەرۆک بارزانی ک ئاژانس شەفەق نیوز نووڕیەی وت: وە خەفەتیگ خەوەر مەردن سیاسەتمەدار وخەباتکار دێرین وناودیار لە ئاست کوردستان وعراق و سکرتێر وەرین حزب شیوعی عراق وحزب شیوعی کوردستانی کەریم ئەحمەد وەرگرد.
وتیش: رەحمەتی کەسایەتییگ ناودار و دێرین بوی لە مەیدان خەبات نیشتمانی، وگشت ژیانی ئەرا خەبات سیاسی تەرخان کرد، و ئەرا گەل و ئەو هویرەیلە ک باوەڕ وەپیان داشت ، ودیاری کرد ک لەبان ئی ریە زیندانی و زیان فرەیگ کیشا.
سەرۆک هەرێم کوردستان پرسە وسەرەخوەشی قویلی لە کەسوکار و بنەماڵە وهاوڕیەیلی کرد، وهاوخەمی خوەی لە خەفتیان نشاندا، و لەخودا داوا کرد گیانی بخەێدە وەر دروودی، و سەبووری گشتی بیەێد.
