سەرۆک هەرێم کوردستان سەردان شوینەیل زەویلەرزەگەی تورکیا کەێد
2023-02-14T08:49:50+00:00
شەفەق نیوز/ بڕیارە نێچیروان بارزانی سەرۆک هەرێم کوردستان، ئمڕوو سێشەممە، ئەو شوینەیلە بکەێدە سەر ک لە تورکیا زەویلەرزە مەرگبارەگە دادە لیان، و بویە هوکار کەفتن هەزاران کوشیان و زەخمداری.
وەگورەی زانیاریەیل ئاژانس شەفەق نیوز؛ سەرۆک نێچیروان بارزانی ئمڕوو سەردان (دیلۆک، ئیسڵاحیە، و نورداغ) کەێد لە تورکیا، و ئەوسا وەگەرد ئەو تیمەیلە گردەو بوود ک حکومەت هەرێم کوردستان ئەرا دەسمیەتی کلیان کردگە.
هەمیش بڕیارە سەرۆک هەرێم کوردستان سەردان ئەنقەرەی پایتەخت تورکیا بکەێد، و چەوی بکەفێدە مەولوود چاویش ئۆغلۆ وەزیر دەرەوە.
