سەرۆک هەرێم کوردستان سەردان سلێمانی کەێد
شەفەق نیوز/ بڕیارە سوو یەکشەممە، نێچیروان بارزانی سەرۆک هەرێم کوردستان سەردان شار سلێمانی بکەێد، تا وەگەرد لایەنەیل سیاسی گردەو بوود، و لەچەن باوەتەیگ باس بکەێد، ونووڕینەیل ناوبەین پیکاتەیل ماڵ کورد نزیکەو بکەێد.
سەرچەوەیگ چەودێر ئەرا ئاژانس شەفەق نیوز وت: پارت دیموکرات کوردستان، لە گردەوبوین دویایینی لە ئەنجومەن سەرکردایەتی حزبەگە، بڕیار گونجانن پەیوەندیەیلی وەگەرد حزب ولایەنەیل سیاسی لە هەرێم کوردستان دا.
سەرچەوەگە وتیش: سەرۆک هەرێم کوردستان، جیگر سەرۆک پارت دیموکرات کوردستان، نێچیروان بارزانی، ئەوەسا سەردان لایەنەیل سیاسی لە سلێمانی کەێد، و بڕیگ گردەوبوین ئەنجام دەێد، وە ئامانج گونجانن رەوشەیل و جەختکردن لەبان ئەو چشتەیلە ک ماڵ کورد گردەو کەن، وتیش؛ ئەوەسا نێچیروان بارزانی چەوی کەفێدە بافیڵ تاڵەبانی و عومەر عەلی وسەڵاحەدین بەهائەدین و عەلی باپیر.
