سەرۆک هەرێم کوردستان پرسەی گۆڤار ئەنوەر کەێد

شەفەق نیوز/ نێچیرڤان بارزانی سەرۆک هەرێم کوردستان، ئمڕوو یەکشەممە، سەرەخوەشی مردن هونەرمەن کورد گۆڤار ئەنوەر کرد ک دویەشەو کووچ دویایی کرد.

 بارزانی لە بەیاننامیگ ک وە ئاژانس شەفەق نیوز رەسییە وت، "  سەرەخوەشی لە مەردم هەولێر و گشت هونەرمەنەیل کوردستان کەم وە مردن ئەکتەر کۆمیدی کورد گۆڤار ئەنوەر".

وتیش، " گۆڤار ئەنوەر لە ری کارە هونەریەگانی شوین خوەی لەناو دڵ جەماوەر کردبوی".

وت" داوا لە خودا کەم بخەێدە وەر بەزەیی خوەی و جیگای بەهەشت بوود سەبووری و ئارامی بوەخشێد وە خانەوادەگەی".

ئەکتەر کۆمیدی گۆڤار ئەنوەر دویەشەو شەممە، کووچ دویایی کرد لەدویای رویوەروی بوین وە بیماری، ناوبریاگ زیاتر وە رۆڵ کۆمیدی وەناوبانگە.