سەرۆک هەرێم کوردستان ئەرا قونسوڵ بەریتانیا: ئەنجامدان هەڵوژاردن هەرێم کاریگ گرنگە
2024-08-20T12:16:33+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، پیرووزبایی لە قونسوڵ نوو بەریتانیا لە هەرێم کوردستان کرد، و ئومید سەرکەفتن ئەرای خوازی، و باس پشتگیریکردن تەواوی کرد ئەرا سەرکەفتت ئەرکی،
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: قونسوڵ بەریتانیا باس خوەشاڵیی کرد وە دامەزریانی جویر قونسوڵ گشتی وڵاتەگەی لە هەرێم کوردستان، و باس پشتگیریکردن و ئارەزوو بەریتانیا لە گەشەپیدان پەیوەندییەیل و فراوانکردن هاوکاری هاوبەش وەرد هەرێم کوردستان لە گشت چینەیل کرد.
لە باوەتیگ ترەک لە دیدارەگە، هەردوگ لایەن ئەنجامدان هەڵوژاردن پەرلەمان کوردستان وەکاریگ گرنگ زانستن، و ئومید خوەیان نشان دان کە بوودە دەنگدانیگ سەرکەفتگ، و باس رای خوەیان لەباوەت پەیوەندییەیل ناوەین هەولێر و بەغدا و دویاترین گەشەیل لە ناوچەگە کردن.
