سەرۆک هەرێم کوردستان دەسخوەشی لە ناسانن فەرمی بەریتانیا وە جینۆساید ئێزیدییەیل کەێد
بارزانی لە پوستیگ لە تویتەر، کە ئاژانس شەفەق نیوز نووڕیەی نویسان: "دەسخوەشی لە ناسانن فەرمیی حکومەت بەریتانیا وە جینۆساید پیکاتە ئێزیدییەگەمان لە لایەن تیرۆریستەیل داعشەو کەم".
وتیش: "وەگەرد نزیکبوینمان لە نۆهەمین ساڵیاد جینۆساید ساڵ ٢٠١٤، قوربانیەیل ئێزیدی و گشت ئەو کەسەیلمانە ها هویرمان کە وەدەس ئی گروپە تیرۆریستییە ئازار وەپیان رەسێد".
دویەکە سێشەممە، وەزارەت دەیشت بەریتانیا ئەو کارەیلە گردە وەرچەو کە ئێزیدییەیل وەدەس داعش لە مەوقەی داگیرکردن ناوچە و شارەیل کە لە تاوسان ٢٠١٤ وە دوو لەبان سێەی عراق مەزەنە کریەێد، تویشی بوین، وە "تاوان جینۆساید" دادەی قەڵەم.
ئەو گامە ئەڵمانیا وەرجە بەریتانیا نادەێ، هەناێ پەرلەمان ئەڵمانیا لە سەرەتای ساڵ ٢٠٢٣ ئەوەگ داعش لە ساڵ ٢٠١٤ وەرانوەر ئێزیدییەیل لە باکووری خوەرئاوای عراق کرد وە "جینۆساید" دادەی قەڵەم.
لە ساڵ ٢٠٢١ ئەنجومەن نوێنەرەیل بەلجیکا وە بڕ دەنگ بڕیاریگ پەسەن کرد کە دان وەوە نەێد کە داعش "تاوان جینۆساید" لەبان کەمینەی ئێزیدی لە عراق ئەنجام دایە.
