سەرۆک هەرێم کوردستان داوای سوودگردن لە ئەزموونەیل هندستان کەێد
2023-08-22T13:59:36+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، داوای سوودگردن لە ئەزموونەیل هندستان کرد، هەمیش دووپات لە کاروانەیل ئاسمانی ناوەین هەولێر و دیلهی کرد.
ئەوەیش لە چەوپیکەفتنیگ وەگەرد قونسوڵ گشتی نوو هندستان لە هەرێم کوردستان، مادان گوبال و شاند یاوەری, کە پاڵپشتیکردن خوەی و لایەنەیل پەیوەندیدار لە هەرێم کوردستان نشان دا ئەرا سەرکەفتن ئەرکەیل قونسوڵ گشتی و قایمکردن پەیوەندیەیل هندستان وەگەرد هەرێم کوردستان.
بارزانی دووپات کرد ک هندستان دەوڵەتیگە عراق و هەرێم کوردستان توەنن سوود لە ئەزموون و پسپۆڕیی بگرن، و یەیش گرنگی کار پاپەیبوین وە پەیوەندیەیلی وەگەرد هندستان دەێدە پی، ولەی باوەتە بەڕێز سەرۆک هەرێم کوردستان باس باوەت کاروانەیل راستەخۆ ناوەین هەرێم کوردستان و هندستان کرد.
لەلای خوەییش، قونسوڵ گشتی هندستان باس خوەشهاڵیی کرد ئەرا دەسکردنی وە ئەرکەیلی لە هەرێم کوردستان، و دووپات لە کار وتەقەلای ئەرا گەشەکردن پەیوەندیەیل وڵاتەگەی وەرد هەرێم کوردستان کرد.
