سەرکردەیل حزبە سیاسیەکان باس لە دەستوور کوردستان کەن
![سەرکردەیل حزبە سیاسیەکان باس لە دەستوور کوردستان کەن](https://media.shafaq.com/media/arcella/1621417314403.jpg)
شەفەق نیوز/ کۆنگرەی (یەکێتی و دەستوور) لە هەولێر، ئمڕوو چوارشەممە، میوانی سەرکردەیل حزبەیلیگ سەرەکی و کاریگەر لە هەرێم کوردستان کرد، و راییان دەربارەی باوەتەگە و ئەوەگ بایەتە وەرجە بڕیاردانی بکریەێد خستە وەرچەو.
عومەر سەید عەلی هەماهەنگکار گشتی بزووتنەوەی گۆڕان لەناو ئەو کۆڕە ک لە کنار کۆنگرەگە کریا، پرسیار کرد؛ ئایا لە کورا یەکێتی باریمن و ئیمە دوو ئیدارە و دوو هێز پێشمەرگە و دوو هێز ئاسایش و دوو دارایی دیریمن؟، وتیش؛ گشت چشتیگ لە کوردستان بەشەوە بویەسە دوو لایەن.
عەلی باپیر سەرۆک حزب عەداڵەت کوردستانی وت: بایتە یەکەم جار عەداڵەت وەدەس باریمن ئیجا یەکێتی ئەنجام دریەێد، و دووپات کرد ک وەیەکێتی رزەیل توینیمن دەستوور نوویگ بسازیمن.
وتیش؛ ١٥ ساڵ لەبان نووسین دەستوور هەمیشەیی عراق رەد بویە، و تا ئیسە ئیمە وەبی دەستووریمن چوینکە وە چوارچیوەی تەنگیگ هویرەو کەیمن.
فازڵ میرانی سکرتێر نووسینگەی سیاسی پارت دیموکرات کوردستان باس رای خوەی لەباوەتەگە کرد وت: لەلای من گرفتە گەورەگەمان ئەوەسە ک گشتمان رەخنە گریمن و مینەی کەسیگ کەیمن بوودە قوربانی وەبی ئەوە ک هویر وەخوەمان بکەیمن، و دوویەم چشت بایەتە ئەرا قسەی عەقڵ بایمنەو.
وتیش؛ دەستوور گرنگە چوینکە گریەبەسیگ کۆمەڵایەتییە، و کرفتەگە ها ئەولا ک کەسیگ لەلیمان نێەچوود قاقەزەیل خوەی بەێدە یەکەو تا بزانێد هەڵەیلە هانە کو؟.
لەلای خوەییش خەلیل ئیبراهیم سەرکردە لە حزب ئیسلامی کوردستانی وت: دەستوور ئەنجام نیریەێد ئەگەر هەماهەنگی سیاسی نەوود و دڵنیای گەلەگە وەی دەسەڵاتە ک لە هەرێم هەس باریمنەو.
سەرکردەیل و نۆێنەرەیل پەنج حزبەگە لە هەرێم یەکڕا بوین لەبان گرنکی یەکێتی رزەگە لەناونی گشت هێزە سیاسیەکان تا دەستوورەگە دانریەێد.