سەرۆک حکومەت هەرێم کوردستان ئامادەباشی پێشمەرگە راگەینێد
![سەرۆک حکومەت هەرێم کوردستان ئامادەباشی پێشمەرگە راگەینێد](https://media.shafaq.com/media/arcella/1638090712151.jpeg)
شەفەق نیوز/ سەرۆک حکومەت هەرێم کوردستان، ئمڕوو یەکشەممە، راگەیان هێزەیل پێشمەرگە چنە ناو ئامادەباشی، لەپشت ئەو پەلامارە لەلایەن ریخریاگ داعش لەبان هێزەیل پێشمەرگە لە قەزای کفری.
بارزانی لە بەیاننامەیگ وت: هەس وە خەفەت قۊلیگ کردم وە شەهیدبۊن بڕێ لە پاڵەوانەیل پێشمەرگە دۊەشەو، هەنای دەسمیەتی هاوڕیەیلیان لە ناوچەی کوڵەجو دان، ئەرا چان جاریگ هوشداری لە مەترسیەیل داعش و دوورارە رێکخستن خوەیان دایمن، وە تایبەت لە ناوچەیل کوردستانی لە دەیشت ئیدارەی هەرێم.
وتیش داعش بەدوەکار ئەو بۆشاییە ئەمنیەیلە لەو ناوچەیلە تیارێد، ک بۊینە هەڕەشەی جددییگ لەبان ئاسایش ناوچەگە و خەڵکەگەی، و بایەتە ناوەندە ئەمنیەیل هاوبەش ناوبەین هێزەیل پێشمەرگە و سوپای عراق وە هەماهەنگی وەگەرد هاوپەیمان ناودەڵەتی دژوە داعش، وەخاتر پڕەکردن بۆشاییە ئەمنیەیلە لەو ناوچەیلە، و لەبان ئەوە فەرمان دایمنە وەزارەت پێشمەرگە تا بکەفێدە ئامادەباشی و گشت ریکاریگ ئەرا لەناوبردن هەڕەعەیل تیرۆرەیل داعش وەکار بارێد، و نوای زەرەد رەسانن وە هێزەیل پپێشمەرگە و خەڵک ناوچەگە بگرێد.