سەرۆکایەتی کوردستان راگەینێد کۆبونەوەی گرنگیگ ئەرا هەڵوێست بردن لە مافەیل کورد
شەفەق نیوز/ سەرۆکایەتی کوردستان، ئمڕوو پەنجشەممە، نیگەرانی خوەی لە رەدکردن پەرلەمان عراق لە یاسای سپۆنسەرکردن پەککەفتن دارایی نیشان دا، وەبی بردن بنەمای هاوبەشی ، و داوا لە سێ سەرۆکایەتەگەی هەرێم ولایەنە پەیوەندیدارەگان و نۆێنەرەیل کورد لە حکومەت فیدڕاڵی و ئەنجومەن نوێنەران کرد کۆبونەوە بکەن و هەڵوێستەگان بکەنە یەک.
سەرۆکایەتی هەرێم کوردستان لە بەیاننامەیگ ئمڕوو رەسیە ئاژانس شەفەق نیوز وت: لەباوەت یاسای سپۆنسەرکردن پەککەفتنە داراییەگە ک شەفەق پەنجشەممە لە ئەنجومەن نۆێنەران عراق وەزۆرینە واژووی کریا، وەبی پاپابوین لە بنەمای هاوبەشی و رێککەفتن و هاوسەنگی، و وەبی نووڕستن لە تێبینی و پێشنیارەیل نۆێنەرەیل فراکسیۆنە کوردستانیەگان و نۆێنەرە بەڕێزەگان لە هەرێم کوردستان ک هەڵویستییگ یەکێتی ئەرا وەرگری لە مافەیل و شایستەیل گەل کوردستان بردن.
بەیاننامەگە وتیش: سەرۆکایەتی هەرێم کوردستان وەنیگەرانی و گرنگی فرەیگ نووڕێدە ئی باوەتە، و ئەوەسا تەقەلاگانی ئەرا وەرگری لە مافەیل و شایستەیل گەل کوردستان وەکار تیەرێۆ، و دیاریکرد ک سێ سەرۆکایەتەگان هەرێم کوردستان و لایەنە پەیوەندیدارەگان و نۆێنەرەیل هەرێم کوردستان لە حکومەت فیدڕاڵی و ئەنجومەن نۆێنەران ئەوەسا ئەرا ئی مەبەستە گردەوبوون، و ئەرا یەک کردن هەڵوێستەیل لایەنە پەیوەندیدارەگان لە هەرێم کوردستان لە روی ئی باوەتە.
