سەرۆکایەتی هەرێم پەلامارە تیرۆریەکان شەرمەزار کەێد
شەفەق نیوز/ سەرۆکایەتی هەرێم کوردستان، ئمڕوو پەنجشەممە، وە سەختی شەرمەزار دوو پەلامارە تیرۆریەکە دژوە فڕۆکەی ناودەوڵەتی هەولێر و کامپیگ سەربازی ئەرا هێزە تورکیەکان لە بەعشیقە لە پارێزگای نەینەوا کرد.
سەرۆکایەتی لە بەیاننامەیگ وت: ئی پەلامارەیلە دەسپیچگیگ نەیرن مەگەر تەنیا زەرەدداین و ویرانکردن ئارامییەگە، وئاژاوەیلیگ زیاتر لە عراق، وهیچ ئەنجامیگ لەوە زیاتر نەیرێد، ک خوەی دژوە بەرژەوەنی وڵاتەگەس.
وەگورەی بەیاننامەگە؛ دووارەکردن ئیجوور پەلامارەیلیگ هەڵوێستیگ راسی خوازێد، و بایەدە هەرێم کوردستان و حکومەت فیدڕاڵی عراقی وەپاڵپشتی هاوپەیمان ناودەوڵەتی وەهەماهەنگی و هاوکاری هاوبەش لەناونیان نوای ئی کۆمەڵەیلە بگرن، و ئەوانەگ هانە پشت ئی پەلامارەیلە، و سنووریگ کۆتایی ئەرایان دانەن تا ئاسایش و ئارامی وڵاتەگە نەکفنە وەر مەترسی و رەوشەگان زیاتر ئاڵووزەو نەوون.
ناوخۆی هەرێم کوردستان راگەیان ئامانجکردن ناونەد هاوپەیمان ناودەوڵەتی لە فڕۆکەخانەی ناودەوڵەتی هەولێر وە فڕۆکەیگ بیفڕۆکەوان مادەی سەخت تەقەمەنی (تی ئێن تی) هەڵگردگە.
هەمیش کامپ سەربازی بەعشیقە لە پارێزگای نەینەوا ک هێزە تورکیەکان هانە ناوی، کەفتە وەر پەلاماریگ مووشەکی، ک بویە هووکار کوشتن یەک سەرباز تورکی، وەگورەی بەیاننامەی وەزارت وەرگری تورکیا.
