سەدام حسێن لە سلێمانی سەر دەرکەێد
![سەدام حسێن لە سلێمانی سەر دەرکەێد](https://media.shafaq.com/media/arcella/1668779949579.jpg)
شفق نيوز / کتاو (زبيبة والملك) ک لە پیشەنگای ناودەوڵەتی سلێمانی بڵاوکریا لە چاپ چوارەمی و وەگەردیا وینەی سەرۆک وەرین عراق (سەدام حسێن) لەبان بەرگەگەی بڵاوکریاس، و ناڕەزایی ئەو رێکخریاگەیلە مژار جینۆساید لەدویای خوەی هاورد.
لە بەیاننامەیگ رەسیە ئاژانس شەفەق نیوز ئی رێکخریاگەیلە وتن؛ وە داخەو ئەرا دویەم ساڵ کتاویگ ئەنجامدەر جینۆساید کورد بڵاوکریەێد لە پێشەنگای ناودەوڵەتی کتاو لە سلێمانی، جویر ئەوەگ لە بەرگ کتاوەگە ئاماژە وەپی کریاگە.
رێکخریاگەیل داوا لە وەزارەت روشنهویری و گەنجەیل و وەرێەوبەرایەتی گشتی روشنهویری سلێمانی کەن،" رێکارەیل پێویست بگیریەێد لە وەرانوەر ئەو سەنتەرەیلە ک ئی جویر کتاو و چاپکریاگەیلەیلە لە پیشەنگایەیل نمایش کەن، وتیش" لە ساڵ گوزەشتە لە پێشەنگای ناودەوڵەتی کتاو لە سلێمانی کتاو تاوانبار ئەنفاڵ (سوڵتان هاشم) ک لەناوی نکۆڵی لە تاوان ئەنفاڵ کریەێد.
لە بەیانەگە راگەیانیش، " ئی نمونە کارەیلە سوکایەتیە وە قوربانیەیل جینۆساید ملەتەگەمان".