سودانی پەیمان دەێد وەی نزیکە مووچەیل هەرێم کوردستان کل بکەێد
![سودانی پەیمان دەێد وەی نزیکە مووچەیل هەرێم کوردستان کل بکەێد](https://media.shafaq.com/media/arcella/1724843711898.jpg)
عەبدولڵا لە کۆنگرەیگ رووژنامەوانی لە کەرکوک وت: زیاتر لە یەی جار لەی هەفتە قسە وەر سەرۆک وەزیرەیل کردگە، و پەیمان سپۆنسەرکردن مووچەی فەرمانبەرەیل هەرێم کوردستان دا.
دووپات کرد کە شاندیگ لە حکومەت هەرێم کوردستان لەپسا سەردان بەغداد کەێد ئەرا چارەکردن گشت گیچەڵەیل باوەت مووچە، وتیش: بیگومان چەن گیچەڵیگ لەلایەن وەزارەت دارایی لە باوەت مووچەی فەرمانبەرەیل هەرێم کوردستان هەس، و هویچ بنەمایگ یاسایی نەیرێد.
عەبدولڵا وتیش: باوەت مووچەیل تیکەنان گەلە، و بایەسە فەرمانبەرەیل هەرێم کوردستان لە مەوقەی خوەی وەربگرن، نەمانی فەرمانبەرەیل ئەو ناوچەیل عراق.
وتیش: بڕیارە وەزیر و وەرپرسەیل لە فراکسیۆنەیل کوردستانی لە بەغداد لە سەرەتای هەفتەی ئایندە گردەو بوون، ئەرا باسکردن گیچەڵ مووچەی فەرمانبەرەیل حکومەت هەرێم کوردستان.
حکومەت هەرێم کوردستان لە زوان قسەکەری، رووژ یەکشەممەی گوزەشتە، وە زبری رەخنە لە حکومەت فیدراڵی گرد، چوینکە مووچەی فەرمانبەرەیل و کارمەنەیل کەرت گشتی لە هەرێم کوردستان ئەرا نزیکەی دوو مانگ لەشوینیەک کل نەکردیە، و دیاری کرد کە هویچ دەسپیچگیگ لەپشت ئەوە نییە.