سهرۆک نێچيروان بارزانى وەرد فهرماندهى هێزهیل هاوپهيمان له عراق و سووريا گفتوگۆ لەبان رخداریەیل تیرۆر کەن
شەفەق نیوز ـ هەولێر
سەرۆک هەرێم کوردستان، نێچیروان بارزانی، ئمڕوو پەنجشەممە، وەرد سرۆک هێزە هووپەیمانەیل لە عراق و سووریا، جهنهراڵ كيڤن لامبێرد گفتوگوکرد ، لەبان رخدارەیل تیرۆرستی و جموجویلەیل رێکخریاگ "داعش"، وەرد تەواوکردن چاکسازی ناو وەزارەت پێشمەرگە.
لە بەیاننامەیگ سەرۆکایەتی هەرێم کوردستان رەسیەس وە ئاژانس شەفەق نیوز هاتیە، بارزانی پیشوازیکرد لە لامبێرد و شاندگەی یاوەری، وە ئامادەبوین وەزیر و فەماندەی هێزەیل پێشمەرگە و قۆنسۆل گشتی ئەمریکی لە هەرێم کوردستان، دوايين پیشهاتەیل دۆخ ئهمنى و ههڕهشه و رخدارەیل تيرۆر و پهلامار و جویلەیل داعش گفتوگوکریان، هەمیش دووپاتکرد لەبان گرنگی گامدانن ئەرا یەکرزکردن پێشمەرگە و تەواوکردن چاکسازی وەزارەت کاروبار پێشمەرگە.،
هەردووگ لا هاوڕابوین هێمانگ "داعش" رخداری راسیە وەبان ئاسایش و بیوەیی عراق و سوریا، وەی مدووە هەوەجەس هاوکاری و هەماهەنگی لەناوەین گشت لایەنەیل پەیوەنیدار وەردەوام بوود، وەگەرد نواگیری لە هەر چوڵایی ئەمنی لە عراق و سوریا.
هەمیش سەرۆک بارزانی و سەرۆک هێزە هاوپەیمانەیل دووپاکردن لەبان گرنگی وەردەوامی رۆل هێزەیل هاوپەیمانی ناودەوڵەتی ئەرا وەجیهاوردن ئێ ئامانجە.
ههردوگ لا دووپاتکردن لەبان ئەوەگ كورد و پێكهاتهیل له سووريا بایەت هاوبهش كاراىگ ئیرنگە و بانان سیاسی وڵات بوون.
لە دیدارەگە هەمیش دویایین پیشهاتەیل خوەرهەڵات ناوڕاس و لێکەفتەیل و کاریگەریەیل بان سەقامگیری وڵاتەیل ناوچەگە و پەیوەنیەیل عراق و هەرێم وەرد وڵاتەیل هاوسا تەوەر ترەک لە دیدارەگە بوی.
