سه‌رۆكايه‌تى هه‌رێم كوردستان ته‌قينه‌وه‌گه‌ى"به‌نى سعه‌د"شه‌رمه‌زار كرد
2015-07-19T08:21:43+00:00
سه‌رۆكايه‌تى هه‌رێم له به‌ياننامه‌يگ ئه‌را(شه‌فه‌ق نيوز)وت: ترۆريسته‌يل له يه‌كه‌م رووژ جه‌شن ره‌مه‌زان پيرووز له تاوانيگ دڕندانه له ناحيه‌ى به‌نى سعه‌د سه‌ر وه پاريزگاى دياله ته‌قينه‌وه‌يگ ئه‌نجام دان ك شماره‌ى فريه‌يگ له هاووڵاتيه‌يل بيتاوان له‌تى بوينه قوربانى و شماره‌يگ وه سه‌ختى زه‌خمدار بوين.
به‌ياننامه‌گه باس له‌وه‌يش كرد ك سه‌رۆكايه‌تى هه‌رێم كوردستان ئه‌و كرده‌وه‌ى نائنسانيه پڕ له تاوانه شه‌رمه‌زار كردگه‌و پرسه‌و سه‌ره‌خوه‌شى پيشكه‌ش كرده‌سه خيزان شه‌هيده‌يل و ئاره‌زوو هه‌رچى زوير شفاى گورجه ئه‌را زه‌خمداره‌يليش خوازيه له‌و رويداگه.
