سلێمانی میوانداری کەێد لە پێشانگای NEXT STEP ئەرا ئەوزەڵداین وە خوەنستن و دەرفەت کار.. وینە

شەفەق نیوز/ شار سلێمانی، ئمڕوو یەکشەممە، دەسکردە چالاکیەیل پێشانگای  (NEXT STEP) لە چاپ دویەمی، وە بەشداری شمارەیگ لە زانکۆ پەیمانگایەیل حکومی وە تایوەت لایەنەیل کۆمپانیایەیل بازرگانی جوراوجویر.

پەیامنێر ئاژانس شەفەق نیوز وت، ئاهەنگ وازکردنەگەی وە ئامادەبوین قوباد تاڵەبانی جیگیر سەرۆک هەرێم کوردستان و پارێزگار سلێمان هەڤاڵ ئەبوبەکر کریا وە ئامادەبوین فراوانیگ لە خوەنەوار و میوانەیل.

ئامانج لە پێشانگای  (NEXT STEP) دروسکردن  پەیوەنی ناوەین خوەنەوار و گەنج و خاوەن کارەل و داموزەگایەیل پەروەردەییە ئەرا ئاسانکاریکردن ئەرایان لە کورسی خوەنستنەو ئەرا بازاڕ کار.

  وەپای وەرپرسەیل، یە بەشیگ لە ستراتیژی حکومەت هەرێم کوردستانە ئەرا ئەوزەڵداین وە دەرفەت خوەنین باڵا و ئەوزەڵداین وە توانایەیل گەنجەیل هاوتەریب وەرد ئەوزەڵکردن پێویستی بازاڕ .