سلێمانی زەنگ مەترسی کوتێد: خەسخانەی مناڵەیل هالە لیوار بەسیان
شەفەق نیوز/ ئیدارەی خەسخانەی مناڵەیل فێرکاری لە پارێزگای سلێمانی، وە ناو دکتۆر جەماڵ ئەحمەد رەشید، ئمڕوو سێشەممە، هووشداری دەێد لەوەگ خەسخانەگە هالە لیوار بەسیان لەوەر خەرجنەکردن مووچەی پزیشکەیل و کارمەندەیل تەندروسی.
دکتۆر پشدەر عەبدوڵا وەڕیوبەر خەسخانەگە لەبان پۆستیگ لەبان تووڕ کۆمەڵایەتی "فەیسبوک"، راگەیان، " وەداخەوە خەسخانەگە ها لیوار بەسیان لەوەر خەرجنەکردن مووچەی پزیشک و فەرمانبەرەیل تەندروسی و ئیدارەیل و پەرەستارەیلە".
وتیش " ئیمە لە ئیدارەی خەسخانەگە وە تەواوی پشگیری له پزیشک و فەرمانبەرەیل و ئیداریەیل و تەندروسی و پەرەستارەیل کەێمن، داوا لە حکومەت کەێمن وە زویترین مەوقە مووچە وەپیان بدەێد".
دکتۆر عەبدوڵا داوا لە هاوڵاتیەیل کەێمن رەچاو بارودۆخ دەروینی پزیشک و فەرمانبەرەیل بکەن مەوقەی سەردانیکردن ئەرا خەسخانە تا بتوەنیمن وەردەوام بویمن، لەوەختیگ کە پزیشکەیل گەنج و فەرمانبەرەیل پەرەستارەیل بیجگە لە مووچە هویچ سەرچەوەی داهاتیگ نەیرن.
