سلێمانی.. زریان وای تونیگ دارەیل شکنێد و کارەبا بڕێد.. وینە
شەفەق نيوز - سلێمانی
ئەم. زریان تونە کە دویەکە یەکشەممە داد لە پارێزگای سلێمانی و ناوچەیل دەورگردی، بویە مدوو شکیان بڕیگ لە دارە گەورەیل، و زەرەدیش وە سیستەم کارەبای ناو و دەیشت شارەگە رەسان، کە کارەبا لە چەن ناوچەیگ بڕیا.
وەڕیەوبەرایەتی کارەبای سلێمانی لە بەیاننامەیگ رەسیە ئاژانس شەفەق نیوز وت: لەبان داتایەیل بەش کۆنتڕوڵ و بەشەوکردن لە وەڕیەوبەرایەتی گشتی، ئەو زریانە کە دویەشەو داد لە پارێزگای سلێمانی، بویە هوکار دەرچگن 19 فيدەر کارەبایی لە کار، وەگەرد 6 فیدەر لە دەیشت شارەگە.
دیاری کرد کە تیمەیل خاسەوکردن ئیرنگە وەردەوامن لە کارکردن ئەرا خاسەوکردن پەککەفتنەگە، و گلەوداین کارەبا ئەرا هاوڵاتیەیل وە زویترین وەخت.
ئی زەرەدەیلە لەسای وەردەوامی کاریگەری ئەو زریان وا لە کەشوهەوای سلێمانی تیەێد، وەگەرد تەقەلایل وەردەوامیگ لەلایەن تیمەیل کارەبا ئەرا خاسەوکردن گیچەڵەگە، و مسۆگەرکردن لە ئارامی کارەبا جاریگ ترەک.
