سلێمانی رەزامەنی لە ئاڵشتکردن دوو ناحیە ئەرا قەزا دەێد
2021-06-29T10:19:13+00:00
شەفەق نیوز/ ئەنجومەن پارێزگای سلێمانی، لە دانیشتن ئمڕوو سێشەممەی، رەزامەنی لەبان ئاڵشتکردن ناحیەی بازیان سەروە سلێمانی و حاجیاوا سەروە ئیدارەی ناوچەی گەرمیان ئەرا دوو قەزا دا.
ئازاد حەمە ئەمین سەرۆک ئەنجومەنەگە لە کۆنگرەیگ رۆژنامەوانی وت: ئەنجومەن پارێزگاگە وەگشت دەنگەیل ئەندامەیلی رەزامەنی لەبان ئاڵشتکردن دوو ناحیەگە ئەرا قەزا دا.
حەمە ئەمین داوا لە وەزارەت ناوخۆی هەریم کوردستان ولایەنە پەیوەندیدارەیل کرد ریکارە ئاساییەیلە ئەرا ئاڵشتکردن ناحیەیل بازیان وحاجیاوا ئەرا دوو قەزا تەواو بکەن.
