سلێمانی.. "بەندەر فەیلی" بوودە خاوەن رووشنایی ئاهەنگ واژووکردن دوو بەرهەم ئەدەبی
![سلێمانی.. "بەندەر فەیلی" بوودە خاوەن رووشنایی ئاهەنگ واژووکردن دوو بەرهەم ئەدەبی](https://media.shafaq.com/media/arcella/1662565307879.jpg)
شەفەق نیوز/ دامەزراو رەهەند لە سلێمانی، ئمڕوو چوارشەممە، رسوومەیل ئاهەنگ واژووکردن دوو کتاو ئەدەبی ئەرا روومانویس کورد بەختیار عەلی لەناو ئامادەبوین جەماوەری وەرچەویگ سازێد، و ئەدیبەگە دیاری کرد ک یەکیگ لە روومانەیلی وەناونشان "بەندەر فەیلی"ە تایبەتە وە کورد فەیلی لە سەردەم ڕژیم وەرین، و باس زیانیان کەێد.
بەختیار عەلی روومانویس کورد لە کۆنگرەیگ رووژنامەوانی ئاژانس شەفەق نیوز ئامادەی بوی وت: ئی دوو بەرهەم دویاییە بەرجەسەکردن واتەی مرۆیی و رووبەری لە رژیمەیل دیکتاتۆری و شۆڤینی نشان دەن.
وتیش: روومان "بەندەر فەیلی" باس زیان چین کورد فەیلی کەێد جویر بەشیگ لە گەل کورد لە سەردەم دیکتاتۆری.
بەختیار وتیش: روومانەگە وە گشتی دووپات لە رەوش زاڕوو لەسای رژیمەیل دیکتاتۆری کرد، و پەیوەندیی وەگەرد مناڵ ئەو سەردەمە، و چوین هویچ مافیگ لەناو دەوڵەتەگەی پەیا نیەکەێد، وتیش: روومانەگە باس ڕووبەریگ مرۆیی لە رژیمەیل شۆڤینی کرد، نەگ تەنیا لە ڕژیم وەرین، باوجی لە گشت رژیمەیل دیکتاتۆری وەرین و ئیسەیش.
هویردەکاریەیل روومان بەندەر فەیلی
رویداوەیل روومان بەندەر فەیلی باس مناڵیگ کەێد وەناو بەندەر لە ساڵ ١٩٨٠ لە ناو زیندانیگ لە بەغداد لەداڵگبویە، خانوادەگەی لەوەر چشتەیلیگ نەزانیاگ زیندانی کریانە، وەفەرمان گەورە وەرپرسەیل دەوڵەتەگە.
کتاوەگە باس ئەو مەوقەیل گرنگە و ئەو شیواشیو ناکاویە کەێد ئەرا کەسیگ دەرفەت بویچگیگ دیرێد تا لەناو زیندان هەمیشەیی لەی جەهانە بڕەسێدەو.
هەمیش باس ئەوە کەێد ک بەندەر بویەسە قوربانی هیزە مەزنەیل ک وە مێژوو وڵاتەگە رەد بووژ، وەبی ئەوەگ چشتیگ بزانێد یا بفامێد، ک ئەو مناڵیگە دویر لە ژیان و میژوو خریاگە.
روومانەگە وە گشتی جویر وەهویرخستنە ئەرا نەهامەتی چین کورد فەیلی ک وە چین گرنگیگ لە گەل کورد دریەێدە قەڵەم، و باس بەندەر فەیلی نموونەی گرنگیگ بوی ئەرا چینیگ ستەمدیدە ک کورد فەیلیە، هەمیشە لەناو زیندان وبیگانەیی ژیانی بەێدە سەر.