سلێمانی ئاهەنگ رووژ دامەزراننی سازێد وە شیرینی و گوڵ ریپێوان مناڵەیل

شەفەق نیوز/ شمارەیگ لە رێکخریاگەیل کۆمەڵایەتی مەدەنی لە پارێزگای سلێمانی، ئمڕوو پەنجشەممە چالاکیەیل جویراوجور  رێکخسن ئاهەنگ سازکردن لە ساڵیاد 238 ساڵەی دروس بوین شار سلێمانی، ک کەفێدە ١٤ی تەشرین دویەم.

 چالاکوان مەدەنی غەزال عەلی وە ئاژانس شەفەق نیوز وت؛" جویر ئامادەکاری ئەرا رووژ ساڵیاد شار سلێمانی ئیمە ئمڕوو کۆمڵەیگ لە رێکخریاگ مەدەنی و چالاکوانەیل سلێمانی دەسکردیمنە وە چالاکی جویر بەشەوکردن شیرینی و گوڵ ئەرا هاوڵاتیەیل دەسوەپیکردن چالاکیەیل سالیاد سلێمانی راگەیانین".

وتیش، "لە چالاکیەگانمان هایمن وەگەرد بڕیگ مناڵ ک  دڵنگ کوردی فلکلۆر پووشینە و مناڵەیل وینەیل کەسەیل روشنهویر و هونەرمەندەیلە ک پەیوەنی وە سلێمانی دیرن هڵگردنە وەگەرد ناوەیلیان".

دیاریکرد" مناڵەیل چن ئەرا کۆمەڵگەیگ نهێنی و دویای ئەوە چین ئەرا چایخانەی شەعب ناوەند روشنهویر و هونەرمەندەیل.

لە ساڵ 2021 ئەنجومەن پارێزگای سلێمانی 14 تەشرین دویەم جویر ساڵیاد پارێزگای سلێمانی راگەیان.

سلێمانی شاریگ شاخاویە ئیبراهیم پاشا میر بابان لە 14 نۆڤەمبەر 1784 لە ناووچەی سرکە بونیاد نریایە ک لە ساڵ 1196 لەبان دەس  مەحود پاشای مەموی لە سنوور مەڵکەندی بونیادنریایە.